Korakuen Amusement Park|后乐园

     一直以来冇追星嘅习惯，都讲唔出边个係我偶像，但有一个歌手佢从出道到咿家所出嘅所有CD（当然係正版）我都有齐晒，咿个人就係梁静茹啦。记得初出道一路用MD听住《一夜长大》一路係课室晚自修，梁静茹轻轻嘅，甜甜嘅声线就咁进入我生命中必不可少嘅一部分，每一台手机，每一部音频设备，每一台电脑我都有佢嘅歌。佢嘅歌声可以唱到人心里边，可以疗伤，可以令人感动。

     按照梁静茹係中国开演唱会嘅惯例，一定冇广州，原因好简单，广州离香港太近啦。好多年啦，一直都只能係电视上见到佢，已经有一定嘅觉悟有朝一日落香港睇佢嘅演唱会。点知史无前例咁，梁静茹係5月决定係广州开演唱会。第一次啊，梁静茹係广州第一次开演唱会，我点可以唔支持啊！早早BOOK好票，静静咁期待6.26咿晚。

     终于到咗6.26，一路行入新体育馆，好多黄牛佬，但都係问“靓仔，有冇飞放啊？”，根本冇听到“靓仔，要唔要飞啊？”。入到场，全场爆满，仲好多可能靠关系企係走道到睇。禤生话梁静茹唔跳有咩好睇，确实梁静茹今晚完全冇跳，但从开场到结尾，佢每一首歌都係万人大合唱，所有人都跟住佢唱，所有人都沉醉係佢嘅歌声中。而且成场梁静茹都係讲广州话嘅，又唱咗几首粤语歌，每一首佢唱出来嘅歌都係经典中嘅经典，每一首都充满住属于歌迷自己嘅回忆。

     忍不住要讲一句：“梁静茹，我哋爱你啊！”

琴晚邓生莫名奇妙咁发咗一个小软件俾我，今日认真睇睇，原来係一个可以根据你个名生成数码小妖怪嘅软件。中午得闲冇事，将各位嘅名打晒入去（有D朋友仔我唔知你哋嘅英文名係咩打唔到，唔好意思啊。），有D好得意，有D好搞笑，一路打一路笑，哈哈。咿家发上嚟分享俾大家睇睇。(好好采，我自己係可爱系嘅，哇哈哈）

係米好搞呢？大家跟帖就写埋觉得最Q边个，最囧边个，最妖怪边个啦。哇哈哈

本人觉得，最可爱係MINT，最囧係DUPREEV，最妖怪係……（真系好难拣，考虑下先）

      H1N1出现以来，中国大陆坚挺咗咁耐终于都喺俾咿只可恶嘅病毒渗透咗入嚟。对于咿只初期被命名为“猪流感”嘅病毒身边嘅朋友都好似冇乜点惊，而且因为个名，仲觉得只病毒几Q添。点知只病毒虽然“猪”，但咁快就杀到埋身，真喺唔到你唔惊。虽然同邓生笑话如果要隔离就带埋WII，带埋360，带埋BOARD GAME入去爽7日，但讲喺咁讲，可以唔入厂紧喺唔入啦。在此，小弟为大家霖咗几条H1N1时期嘅对策方案。

DR. Kwan‘s Tips（H1N1篇）

• 唔好去人多嘅地方，特别喺医院。（邓生为咗我哋嘅安全唔好翻工啦）
• 如果一定要去人多嘅地方，唔好靠近又咳又打喷嚏又生得猪猪地嘅人。（或者H1N1有样睇？有待验证）
• 喺公共交通工具唔好随便咳，唔好随便打喷嚏，仲要唔好猪下猪下咁。（D公共交通工具已经够晒逼啦。你喺咁CLOSE嘅环境下搞D咁嘅嘢，搭公交嘅可以跳车，搭地铁果D你叫佢哋点算？）
• 有口罩戴口罩，有防护衣着防护衣。（唔洗惊夸张，上海地铁超人又有，木乃伊又有，你着防护衣最多人哋当你COSPLAY啧。小弟本人低调，最多带口罩，回帖嘅唔好喷我）
• 锻炼身体，增强体质。（本人日日WII FIT就喺最佳嘅榜样，果D成日挂住玩BOARD GAME嘅更加要注意啊）
• 注意保暖，冇乜事唔好感冒发烧。（各位女生朋友，我知你哋好身材，毕过唔好着咁少啦，过埋咿波先SHOW啦）

     以上为小弟霖咗都几耐嘅对策，大家考虑下执行啦。抵抗H1N1刻不容缓！Fight！！！

     作为都市人，有一个健康嘅体魄喺好重要嘅，为咗屋企人嘅幸福，我毅然买咗WII FIT平衡板嚟启动全家嘅减肥计划。

      确实咿个减肥计划酝酿咗好耐，去健身房千几两千蚊一年，买部普通跑步机又喺千几两千甚至更贵。所以睇咗好多评测，衡量咗好多，五百几蚊买嚟健身确实唔错。可能好多人都觉得咿块嘢完全就喺玩具，冇真正健身嘅意义。真正拥有之前我都犹豫过、怀疑过，但买翻嚟一试之下确实好佩服任天堂嘅创意，将体感游戏嘅概念应用到家庭健身上。跟住WII FIT嚟嘅教练做瑜伽，做肌肉训练，做有氧运动。只喺短短嘅几分钟你就FEEL到体内脂肪嘅燃烧。帮你制定减肥计划嘅“小平平”（唔喺我改嘅名，佢确实话自己叫“小平平”）会每日检查你嘅运动量，检查运动成果，并会提供好多好有用嘅运动建议，假如你嘅体重不减反升仲会话你并要你解释点解会肥咗。根据你讲嘅原因，“小平平”会俾出一D食物同运动上嘅建议。无论喺“小平平”抑或虚拟教练都好人性化，好似屋企顿时多咗个健身教练咁。建议有WII嘅一定要买埋WII FIT啊。

     “小平平”同我定嘅减肥计划喺两个月内减5KG，三日落嚟目前只喺减咗0.8KG，可能饮食上都要注意下啦。OSMAN加油啊！

     最近接触咗好多动漫强人，特然特然好想画画，于是一直都好抵抗用PHOTOSHOP画画嘅我今日毅然抛弃系统自带嘅绘图程序同FLASH，喺PHOTOSHOP上画咗以上咿幅处女作。主题就系“洋葱小超人拯救地球”。点解要喺洋葱呢？因为好耐好耐以前我英文名喺ONION（洋葱），所以顺理成章就有咿个洋葱小超人啦。至于点解要拯救地球呢？好简单，我想造福人类咯。又至于点造福人类呢，就容我慢慢考虑啦。哈哈。

     车龄都3年几啦，直到今日先发现原来我唔识换胎，换胎我觉得系一个男人应该承担嘅责任之一。老实讲今日喺我人生中最重要嘅其中两位女士面前虽然好努力咁表现得好平静，但面对住个胎脑里一片空白。个脑以四核嘅运算能力，努力回忆当时学车期间师傅换胎嘅片段、结合常识确定手头上工具嘅作用，但唔识就系唔识，当时真系好想GOOGLE啊！最后一个大叔过嚟教咗我好多，系指导下我终于成功换好咗个胎，就系咿一刻，作为男人之一嘅换胎我学识咗。

      Be a man, all starts from here！

     妈妈病咗入院，3年内妈妈第二次入院，第一次感觉自己只系一个帮手，而咿一次，我觉得我哋嘅父母真系老啦，屋企应该系我撑起啦，可惜我嘅能力到咿一刻依然系咁细咁细，依然系一个帮手，究竟我有冇撑起屋企嘅资格呢？我霖暂时喺冇。加油吧，做D力所能及嘅事，等妈妈开心吧……（以上语无伦次，都唔知写乜，但真系我心里咿几日嘅心情，写出嚟减压，减压……）